أقبح الجرائم البشريه
1- من اكبر الجرائم البشريه لما تدخن يم طفل صغير وتنفخ السموم والدخان يدخل بصدره والمسكين جسمه يصير مثله مثل المدخن وهو ماله اي ذنب .
2- من اكبر الجرائم البشريه لما تعلي صوتك على امك او ابوك وتهينهم وتنسى كل الي سووه عشانك ، ما تدري شنو الألم الي راح تسببه لهم .
3- من اكبر الجرائم البشريه لما تهين شخص وتجرح مشاعره وتتطنز على لا يوجديته أو شكله او تحسسه بأنه فقير وأقل منك لان بعدها راح يحس بحزن شديد .
4- من أكبر الجرائم البشريه لما تتزوج بنت الناس وتهملها وما تصرف عليها وتتركها بساعات الليل الطويله وتروح القهاوي وتستانس وتتركها من غير مصرف أو من غير اهتمام .
5- من اكبر الجرائم الأنسانيه لما تأذي بنات الناس بالشارع وتتحرش فيهم وتقط عليهم حجي مو زين وتلحقهم بسيارتك والمسكينه تتدوده وترتبك وتدخل بأقرب شبه او رصيف .
6- من اكبر الجرائم البشريه انك اتييب عيال وتقطهم بالشارع من غير تعليم ولا تربيه ولا اهتمام تذكر راح تشيل ذنبهم باجر اذا انحرفوا .
7- من اعظم الجرائم البشريه لما تخونين زوجج وتكلمين شخص ثاني بحجه ان الزوج ما يهتم فيج ترا هذا شي يهز السماوات .
8- من ابشع الجرايم البشريه لما تهتم بالبيئه وتشوي اللحم على الزرع وتترك المخلفات والاوساخ وتمشي من غير ما تنظف مكانك .
9- من اعظم الجرايم البشريه لما تنسى نفسك بالمعاصي وما تتذكر ربك الي خلقك فسواك وتروح بالمعاصي وما تهتم بعقلك وعلمك واخلاقك وعملك .
10- هذا جزأ بسيط من الجرايم الي يرتكبها الانسان في حقه وحق اخوه الانسان وما خفي كان اعظم .....
