آلـــبـآآآرحــــــه...

...{ الســـلام عليكم ورحمــة الله وبركــاتة ..

// م ــــسآء الخ ـــير //

..{ مــرثيــه لشاعر نواف الناصر .. >> ((
كما رسمها الحزن

ابيات رسمت بها شعوري قبل وحين وبعد اعلامي بوفاة نبض قلبي

والدي رحمه الله...)))

البارحه صدري به الهم مكنون
اسهر بليل وليل الاحزان طالي

ماغير ابدّل حالة الضيق بالهون
وفكري بذهني للوساويس شالي

جريت صوت الحزن والقلب مطعون
كني على ظهر البسيطه لحالي

والفجر بيّن واكثر الناس يدعون
ربٍ كبيرٍ مايرد السؤالي

صليت فرضي مع عبادٍ يصلون
ودعيت رب البيت يستر خمالي

ورجعت داري ناوي النوم بسكون
والنوم عيّا.. لايقرب مجالي

والظهر قرّب واكثر الناس يمسون
وانا وبين الهم بألف احتمالي

والباب دق وصحت ابيهم يردون.!
جاني الولد يصرخ ترى الضيف خالي

والخال اقبل والحزن تقل مدفون
في وسط صدره وكن شيٍ طرالي

قال البقيه براسكم عل تبقون
هذا القدر مكتوب من عند والي

ماني مصدق مسمعي لاتقولون
ابوي عايش خل عنك الهبالي

ماني مصدق هالخبر لاتلومون
توه مكلمني وسائل بحالي

وضعه سليم وصحته ماهي بدون
حتى الورم شالوه واظن زالي

قالوا لكلاه اليوم لازم يغسلون
حتى الريه ادمت وفيها اختلالي

والكبد راحت والورم صدق ملعون
اللي تمكن فيه اول وتالي

قالوا توفا قلت ياناس تكفون؟
وشلون راح اللي به القلب سالي

جابوه يوم الاربعاء نقل مشحون
وعصر الخميس بيدفنونه بحالي

جابوه للمسجد وقاموا يغسلون
بالمسك والكافور يمن وشمالي

وحطو النعش فوقه وقامو يلفون
جسمٍ كريمٍ مايعوض بـ مالي

ناظرت وجهه مبتسم وجه مزيون
حبيت راسه ثم خشمه بعالي

صلو عليه وداخلي هم و حزون
ودعيت ربٍ مايرد ابتهالي

سلّم وسلمنا وقامو يشيلون
جثمان غالي مايفكّه جدالي

حطّوهِ في قبره وقاموا يهلّون
عليه دمعِ مثل وبل الخيالي

جسلت صوب القبر والحزن مسجون
في وسط قلبي والمحاجر سيالي

وقمت اشتكيله حالتي وماهو جنون
ودي اسولف له بشيٍ ف بالي

يابوي تكفا لا تخليني بـ هوون
وشلون اعيش بدنيتي بانعزالي

وشلون ابعرس دونك اليوم وشلون.؟؟
يوم التهاني مين ابلقى قبااالي

ولامن رثتني دنيتي بحال مطعون
منهو يساندني بذيك الليالي

يابوي صارت دنيتي مالها لون
ماعدت افرق بين مرٍ وحالي

مرحوم ياللي بالسخيات مضمون
مرحوم ياللي بالمهمات جالي

شهمِ عزيزٍ للصعيبات مامون
كلن يحبك من عمام وخوالي

ماقد تأنى بالكرم لجل مخزون
مدّت يدينه من تحتها ظلالي

حتـى حلاــك يفقــدك دوم يبكون
ما الوم لو يبكي عليك الحلالي

مرحوم ياللي بالكرم كان مفتون
تبقى وتبقى داخل القلب غالي

مرحوم ياللي سمعته نعم مليون
يدفع ثمينه لجل ربط الوصالي

عساك تحشر مع عبادن يصومون
مع النبي المصطفى بالعلالي

عسا القبر روض به العز مصيون
يارب يامعبود ياذا الجلالي

نواف الناصر

.. لقيـــت القصيده بالالقاء .. وفيها مقاطع صوت للمنشد خالد السبيعي

<< ياااااااااااااااااااااازين صوته ..

صراحه بالصوت رووووعه ..

ياليت تسمعونهااا ..

ترى تعبت وانا ادور رابط هـع << تمنن

// الرابطـ

http://www.rofof.com/11hg45hm/Al-barhh_.html

أن شاء الله تعجبكم ..

تحياتي لكمـ

هــدوء أنثــى

.

مشكورة اختي هدوء انثى على الموضوع الشيق

مشكوره الصراحه عجبتني